اسلامی ممالک صیہونی جرائم کو روکیں

فلسطینی اسلامی تحریک مزاحمت حماس نے بدھ کی شام کہا کہ صیہونی فوجیوں کی طرف سے اسپتال الشفاء کے قریب فلسطینیوں کا قتل عام ایک مکمل جنگی جرم ہے۔ فلسطینی اسلامی تحریک مزاحمت حماس نے بدھ کی شام ایک بار پھر صیہونی حکومت کے خلاف اسلامی ممالک کی کارروائی کا مطالبہ کیا۔ حماس نے ایک بیان میں کہا کہ یہ ہولناک قتل عام جو قابض اور مجرم فوج نے انجام دیا، جس کے نتیجے میں اسپتال الشفاء کے قریب 15 افراد شہید ہوئے، ایک مکمل جنگی جرم ہے۔ الجزیرہ نے اس بیان کے حوالے سے رپورٹ دی کہ ہم عرب اور اسلامی ممالک اور بین الاقوامی برادری سے مطالبہ کرتے ہیں کہ وہ ان بھیانک جرائم کو روکنے اور جنگی مجرم نیتن یاہو کو قابو کرنے کے لیے فوری اور سنجیدہ اقدامات کریں۔